“Atletiko” hujumchisi Antuan Grizmann jamoasining chempionligidan umidini uzmayapti.
Yaqinda "Valensiya" ustidan qozonilgan g‘alabadan so‘ng (2:0) "matraschilar" to‘plar nisbati yaxshiroq bo‘lgani uchun "Barselona"ni quvib, turnir jadvalida uchinchi o‘ringa ko‘tarildi. Biroq, Diyego Simeone jamoasi hali ham peshqadamlikdan yiroq: bir o‘yin ko‘proq o‘tkazgan “Jirona”dan farq 11 ochko, “Real”dan esa 10 ochko.
“Bu mavsumda La Ligada g‘alaba qozonish imkoniyatimiz borligiga ishonaman. Biz oxirigacha kurashamiz", - deya Grizmanning so‘zlarini keltiradi Cope.
31 yanvar kuni "Atletiko" La Liganing 22-turi doirasida "Rayo Valyekano"ni qabul qiladi.
