“Атлетико” ҳужумчиси Антуан Гризманн жамоасининг чемпионлигидан умидини узмаяпти.

Яқинда "Валенсия" устидан қозонилган ғалабадан сўнг (2:0) "матрасчилар" тўплар нисбати яхшироқ бўлгани учун "Барселона"ни қувиб, турнир жадвалида учинчи ўринга кўтарилди. Бироқ, Диего Симеоне жамоаси ҳали ҳам пешқадамликдан йироқ: бир ўйин кўпроқ ўтказган “Жирона”дан фарқ 11 очко, “Реал”дан эса 10 очко.

“Бу мавсумда Ла Лигада ғалаба қозониш имкониятимиз борлигига ишонаман. Биз охиригача курашамиз", - дея Гризманнинг сўзларини келтиради Cope.

31 январь куни "Атлетико" Ла Лиганинг 22-тури доирасида "Райо Вальекано"ни қабул қилади.