"Chelsi" yarim himoyachisi Konor Gallaxer qishki transfer oynasida hamon "Tottenxem"ga o‘tishi mumkin.
23 yoshli futbolchi uzoq vaqtdan buyon "shporlar"ning asosiy transfer maqsadlaridan biri hisoblangan, ammo klub rahbariyati "Chelsi" tomonidan belgilangan narxdan mamnun emas. Times xabariga ko‘ra, "Tottenxem" hali ham yanvar oyidagi transfer davrining so‘nggi kunlarida Gallaxerni qo‘lga kiritishga harakat qiladi. Yarim himoyachining shartnomasi bir yarim yildan keyin tugaydi, bu esa "aristokratlar"ni murosa qilishga majbur qilishi mumkin.
Konor Gallaxer ushbu mavsumda 28 ta o‘yinda maydonga tushib, 6 ta golli uzatmani amalga oshirdi. Transfermarkt portali angliyalik futbolchining narxini 42 million yevroga baholamoqda.