"Челси" ярим ҳимоячиси Конор Галлахер қишки трансфер ойнасида ҳамон "Тоттенхэм"га ўтиши мумкин.
23 ёшли футболчи узоқ вақтдан буён "шпорлар"нинг асосий трансфер мақсадларидан бири ҳисобланган, аммо клуб раҳбарияти "Челси" томонидан белгиланган нархдан мамнун эмас. Times хабарига кўра, "Тоттенхэм" ҳали ҳам январь ойидаги трансфер даврининг сўнгги кунларида Галлахерни қўлга киритишга ҳаракат қилади. Ярим ҳимоячининг шартномаси бир ярим йилдан кейин тугайди, бу эса "аристократлар"ни муроса қилишга мажбур қилиши мумкин.
Конор Галлахер ушбу мавсумда 28 та ўйинда майдонга тушиб, 6 та голли узатмани амалга оширди. Transfermarkt портали англиялик футболчининг нархини 42 миллион еврога баҳоламоқда.