"Lill" hujumchisi Jonatan Devid ushbu transfer oynasida jamoasini tark etmaydi. Taniqli jurnalist Fabrisio Romanoning yozishicha, kanadalik forvard joriy mavsum oxirigacha Fransiyada qoladi.
Shu bilan birga manbaning xabar berishicha, Devid kelasi yozda katta ehtimol bilan "Lill"ni tark etadi.
Futbolchining jamoasi bilan amaldagi shartnomasi bir yarim yildan keyin tugaydi, shuning uchun manfaatdor klublar chegirmaga ishonishlari mumkin.
Joriy mavsumda Devid Fransiya chempionatining 19 ta uchrashuvida 6 ta gol urdi va 1 ta golga assistentlik qildi.
Avvalroq, hujumchiga "Chelsi", "Milan" va "Napoli" klublari qiziqish bildirayotgan edi.
