"Лилль" ҳужумчиси Жонатан Дэвид ушбу трансфер ойнасида жамоасини тарк этмайди. Таниқли журналист Фабрицио Романонинг ёзишича, канадалик форвард жорий мавсум охиригача Францияда қолади.
Шу билан бирга манбанинг хабар беришича, Дэвид келаси ёзда катта эҳтимол билан "Лилл"ни тарк этади.
Футболчининг жамоаси билан амалдаги шартномаси бир ярим йилдан кейин тугайди, шунинг учун манфаатдор клублар чегирмага ишонишлари мумкин.
Жорий мавсумда Дэвид Франция чемпионатининг 19 та учрашувида 6 та гол урди ва 1 та голга ассистентлик қилди.
Aввалроқ, ҳужумчига "Челси", "Милан" ва "Наполи" клублари қизиқиш билдираётган эди.
