“Vilyarreal”dan 3:5 hisobidagi mag‘lubiyatdan so‘ng Xavi mavsum yakunida “Barselona”ni tark etishini e’lon qildi. Aynan shu paytdan boshlab kataloniyaliklar jamoaga yangi murabbiy izlashni boshlab yuborishdi.
Todofichajes xabariga ko‘ra, "Barselona" sport direktori Deku hali ham Serjiu Konseysauni taklif qilishni jiddiy o‘ylamoqda. So‘nggi yillarda bu mutaxassis "Portu" bilan yaxshi ishlagan va uning amaldagi shartnomasi joriy mavsum oxirigacha amal qiladi.
Qayd etilishicha, Deku Konseysau bilan muntazam aloqada bo‘lib turadi, shu bois "Portu" mutaxassis bilan shartnomani uzaytirish urinishlarini to‘xtatgan.
