“Вильярреал”дан 3:5 ҳисобидаги мағлубиятдан сўнг Хави мавсум якунида “Барселона”ни тарк этишини эълон қилди. Айнан шу пайтдан бошлаб каталонияликлар жамоага янги мураббий излашни бошлаб юборишди.
Todofichajes хабарига кўра, "Барселона" спорт директори Деку ҳали ҳам Сержиу Консейсауни таклиф қилишни жиддий ўйламоқда. Сўнгги йилларда бу мутахассис "Порту" билан яхши ишлаган ва унинг амалдаги шартномаси жорий мавсум охиригача амал қилади.
Қайд этилишича, Деку Консейсау билан мунтазам алоқада бўлиб туради, шу боис "Порту" мутахассис билан шартномани узайтириш уринишларини тўхтатган.
