"Luton" "Sent-Tryuden" himoyachisi Daiki Xashiokaning transferini e’lon qildi.
24 yoshli yaponiyalik bilan shartnoma muddatiga aniqlik kiritilmagan. Transfermarkt.com portali xabariga ko‘ra, kelishuv ingliz klubiga 2 million yevroga tushgan.
Xashioka “Sent-Tryuden”da 2023 yilning yanvaridan buyon o‘ynab kelayotgandi. Futbolchi 2023/24 yilgi mavsumda Belgiya jamoasi safida 19 ta o‘yinda maydonga tushib, 2 ta gol urdi va 2 ta golli uzatmani amalga oshirdi.