Yaqinda Yurgen Klopp joriy mavsum yakunida "Liverpul"ni tark etish qarorini e’lon qildi.
Transfermarkt mutaxassislari bu borada qiziqarli statistik ma’lumotlarni e’lon qilishdi. Klopp davrida (2015-yil oktyabr oyidan beri) “Liverpul” transferlar uchun 420 million yevro sarflagan.
Bu Premyer-ligadagi sakkizinchi ko‘rsatkichdir. Bu davrda “Vest Xem” (444 million yevro), “Tottenxem” (565), “Nyukasl” (586), “Arsenal” (834), “Manchester Siti” (952), “Chelsi” (1,02 milliard yevro) va “Manchester Yunayted” (1,1 milliard yevro) "qizillar"dan ko‘p pul sarflagan.
Mutaxassislar Klopp qo‘l ostidagi birinchi o‘yinda "Liverpul"ning tarkibi qanday ekanligini ham ko‘rsatishdi: Minyole – Klayn, Shkrtel, Saxo, Moreno – Leyva, Djan, Koutinyo, Lallana, Milner – Origi.
