"Barselona"ning 18 yoshli hujumchisi Vitor Roke Ispaniya Primerasining 20-turida "Osasuna"ga qarshi o‘yinda (1:0) Kataloniya klubidagi debyut golidan so‘ng o‘z his-tuyg‘ulari bilan o‘rtoqlashdi.
“Birinchi golimdan juda xursandman, birinchi navbatda, bu gol bizga uch ochko keltirdi. Bugun mening orzum amalga oshdi, men bu lahzani anchadan beri kutgandim", - deya Rokening so‘zlarini keltiradi jurnalist Ramon Santos.
Eslatib o‘tamiz, braziliyalik hujumchi shu yil qishda "Barselona"ga o‘tgan edi. Futbolchining klub bilan amaldagi mehnat shartnomasi 2031 yilning yoziga qadar tuzilgan.