Kecha, 31 yanvar kuni Argentina terma jamoasi 2024 yilda Parijda (Fransiya) bo‘lib o‘tadigan Olimpiada o‘yinlariga saralash bahsida Chili terma jamoasini 5:0 hisobida mag‘lub etdi.
Uchrashuv davomida argentinalik yarim himoyachi Klaudio Echeverri kasal bo‘lib qoldi va uni zambilda maydondan olib ketishdi.
"O‘yin davomida ko‘kragimda juda qattiq og‘riq bor edi. Men to‘g‘ri nafas ololmadim. Bu men bilan oldin hech qachon sodir bo‘lmagan. Men qo‘rqdim. Nima bo‘lganini tushunish uchun shifokorlar bilan gaplashaman", - dedi Echeverri Goal.com bilan suhbatda.
Yanvar oyida Echeverri "River Pleyt"dan "Manchester Siti"ga o‘tdi, biroq Argentina klubida 2024 yilning dekabr oyi oxirigacha ijara asosida qoladi. Transfer summasi 14,5 million yevroni tashkil etdi. Futbolchining “shaharliklar” bilan shartnomasi 2028 yilning yoziga qadar tuzilgan. Transfermarkt 18 yoshli futbolchini 12 million yevroga baholamoqda.
2022/2023 yilgi mavsumda Echeverri oltita o‘yin o‘tkazib, bitta golli uzatmani amalga oshirgan.
