"Chelsi" hujumchisi Armando Broya qishda ijara asosida boshqa jamoaga o‘tishi mumkin. Bu haqda jurnalist Ben Jeykobs xabar bermoqda.

Manbaga ko‘ra, londonliklar 22 yoshli albaniyalikni ijaraga bergani uchun 5 million funt (taxminan 5,8 million yevro) ishlab olmoqchi.

Oldinroq "Chelsi" agar qiziquvchi klubdan futbolchiga o‘yin amaliyoti bilan ta’minlash bo‘yicha kafolat bersa, Broyani ijaraga qo‘yib yuborishi xabar qilingandi.

Joriy mavsumda Broya “Chelsi” safida 19 ta o‘yinda maydonga tushib, 2 ta gol urdi va 2 ta golli uzatmani amalga oshirdi. Transfermarkt portali Albaniya terma jamoasi futbolchisini 28 million yevroga baholamoqda.