"Челси" ҳужумчиси Армандо Броя қишда ижара асосида бошқа жамоага ўтиши мумкин. Бу ҳақда журналист Бен Жейкобс хабар бермоқда.
Манбага кўра, лондонликлар 22 ёшли албанияликни ижарага бергани учун 5 миллион фунт (тахминан 5,8 миллион евро) ишлаб олмоқчи.
Олдинроқ "Челси" агар қизиқувчи клубдан футболчига ўйин амалиёти билан таъминлаш бўйича кафолат берса, Брояни ижарага қўйиб юбориши хабар қилинганди.
Жорий мавсумда Броя “Челси” сафида 19 та ўйинда майдонга тушиб, 2 та гол урди ва 2 та голли узатмани амалга оширди. Transfermarkt портали Албания терма жамоаси футболчисини 28 миллион еврога баҳоламоқда.
