Saudiya futbol federasiyasi Roberto Manchinining harakatlaridan norozi.
Manchini boshchiligidagi Saudiya Arabistoni terma jamoasi Osiyo Kubogi 1/8 finalida Janubiy Koreyaga penaltilar seriyasida mag‘lub bo‘ldi. O‘yindan keyingi penaltilar seriyasida Sami Al-Najining zarbasidan so‘ng, italiyalik mutaxassis darvozabon zarbani qaytarishdan oldin darvoza chizig‘ini tark etganini inobatga olib, VAR aralashuvini talab qildi. O‘zi xohlaganiga erisha olmagan Manchini kiyinish xonasiga kirib, jamoalarning so‘nggi zarbalarini ko‘rmadi.
O‘yindan so‘ng italiyalik mutaxassis o‘z xatti-harakati uchun uzr so‘radi.
"Murabbiyning o‘yin tugashidan oldin ketishi mutlaqo qabul qilinishi mumkin emas. Biz u bilan nima uchun bu sodir bo‘lganini muhokama qilamiz. U o‘z qilmishini tushuntirishga haqli, shundan so‘ng biz tegishli harakatlar to‘g‘risida qaror qabul qilamiz", — dedi Saudiya Arabistoni futbol federasiyasi rahbari Yosir Al-Mishaal AlkassTVSports telekanaliga bergan intervyusida.
