Ma’lum qilganimizdek, 2-3 fevral kunlari Toshkentda Devis kubogi jahon saralash bosqichining birinchi raundidan o‘rin olgan O‘zbekiston – Polsha terma jamoalari o‘rtasidagi bahs bo‘lib o‘tadi. Bugun bellashuvlar oldidan qur’a tashlash marosimi va matbuot anjumani o‘tkazildi.
Tadbirda O‘zbekiston tennis federasiyasi Bosh kotibi Iroda To‘laganova va federasiya raisi o‘rinbosari Azizbek Xadjayev, o‘yin referisi Tom Kinlox, Polsha tennis federasiyasi mas’ullari va OAV xodimlari ishtirok etishdi.
Qayd etish joiz, bo‘lajak bahslarga “Humo arena” mezbonlik qiladi. Jamoamiz sardori Denis Istomin o‘yin oldidan barcha yigitlar yuqori sport formasida ekani, bunday ajoyib atmosferada o‘ynash tennischilarga boshqacha zavq berishini ta’kidladi.
Qur’a yakunlariga ko‘ra, juftliklar quyidagicha ko‘rinish oldi:
2 fevral:
Sergey Fomin – Xubert Xurkach
Humoyun Sultonov – Maks Kasnikovski
3 fevral:
Sergey Fomin / Maksim Shin – Xubert Xurkach / Yan Zelinski
Humoyun Sultonov – Xubert Xurkach
Sergey Fomin – Maks Kasnikovski
