Isak Xansen-Oroen "Manchester Yunayted"dan "Verder"ga o‘tdi.
19 yoshli yarim himoyachining mankunianliklar bilan shartnomasi joriy mavsum oxirigacha amalda edi.
The Telegraph xabariga ko‘ra, tomonlar futbolchining maoshi talabi tufayli uni uzaytirish borasida kelisha olmagan.
"Verder" bilan kelishuvning moliyaviy shartlari oshkor qilinmayapti, biroq "MYU" futbolchini keyingi sotuvidan summaning salmoqli qismini olish imkoniyati, shuningdek, norvegiyalik uchun har qanday taklifni takrorlash huquqiga ega bo‘ladi.
Xansen-Oroen 2020 yilda "Manchester Yunayted"ga o‘tgan edi. U hech qachon asosiy jamoada o‘ynamagan.