Saudiya Arabistonining “An-Nassr” va AQSHning “Inter Mayami” klublari 1 fevral, payshanba kuni o‘zaro o‘rtoqlik o‘yinini o‘tkazishdi.

Ar-Riyod shahrida bo‘lib o‘tgan o‘yinda mezbonlar 6:0 hisobida g‘alaba qozondi. Uchrashuvda Otavio, Emerik Lyaport, Muhammad Xalil Maran bittadan gol urgan bo‘lsa, Anderson Taliska het-trik muallifiga aylandi.

“An-Nassr” tarkibida Krishtianu Ronaldu jarohati sababli maydonga tushmadi. “Inter Mayami” tarkibida Lionel Messi 83-daqiqada Kampanyaning o‘rniga tushirildi.

Eslatib o‘tamiz, AQSH jamoasi 29 yanvar kuni “Al-Hilol”ga 3:4 hisobida imkoniyatni boy berib qo‘ygandi.

O‘rtoqlik o‘yini
1 fevral, payshanba
“An-Nasr” — “Inter Mayami” 6:0
Gollar: 1:0 – 3 Otavio, 2:0 – 10 Taliska, 3:0 – 12 Lyaport, 4:0 – 51 Taliska (penalti), 5:0 – 68 Maran, 6:0 – 73 Taliska.
An-Nasr – Ospina (Abdulloh, 32), Bushal, Laport (Tambaktiy, 81), Al-Amriy (Al-Fatil, 60), Telles (An-Nahliy, 80), Brozovich, Otavio (Al-Hamush, 81), Taliska (Yahyo Sahluliy, 81), As-Sulayhim (Al-Hassan, 60), Al-Elevay, Maran (An-Nemer, 80).
Inter Mayami – Kellender, Krivsov, Allen, Aviles, Alba (Yedlin, 69), Buskets, Gregore, Ruis (Sanderlend, 84), Gressel, Suares (Teylor, 70), Kampana (Messi, 83).
Ogohlantirishlar: Al-Amriy (37), Buskets (42), Bushal (42), Brozovich (53).