Саудия Арабистонининг “Ан-Насср” ва АҚШнинг “Интер Майами” клублари 1 февраль, пайшанба куни ўзаро ўртоқлик ўйинини ўтказишди.

Ар-Риёд шаҳрида бўлиб ўтган ўйинда мезбонлар 6:0 ҳисобида ғалаба қозонди. Учрашувда Отавио, Эмерик Ляпорт, Муҳаммад Халил Маран биттадан гол урган бўлса, Андерсон Талиска ҳет-трик муаллифига айланди.

“Ан-Насср” таркибида Криштиану Роналду жароҳати сабабли майдонга тушмади. “Интер Майами” таркибида Лионель Месси 83-дақиқада Кампанянинг ўрнига туширилди.

Эслатиб ўтамиз, АҚШ жамоаси 29 январь куни “Ал-Ҳилол”га 3:4 ҳисобида имкониятни бой бериб қўйганди.

Ўртоқлик ўйини
1 февраль, пайшанба
“Ан-Наср” — “Интер Майами” 6:0
Голлар: 1:0 – 3 Отавио, 2:0 – 10 Талиска, 3:0 – 12 Ляпорт, 4:0 – 51 Талиска (пенальти), 5:0 – 68 Маран, 6:0 – 73 Талиска.
Ан-Наср – Оспина (Абдуллоҳ, 32), Бушаль, Лапорт (Тамбактий, 81), Ал-Амрий (Ал-Фатил, 60), Теллес (Ан-Наҳлий, 80), Брозович, Отавио (Ал-Ҳамуш, 81), Талиска (Яҳё Саҳлулий, 81), Ас-Сулайҳим (Ал-Ҳассан, 60), Ал-Элевай, Маран (Ан-Немер, 80).
Интер Майами – Кэллендер, Кривцов, Аллен, Авилес, Альба (Йедлин, 69), Бускетс, Грегоре, Руис (Сандерленд, 84), Грессель, Суарес (Тэйлор, 70), Кампана (Месси, 83).
Огоҳлантиришлар: Ал-Амрий (37), Бускетс (42), Бушал (42), Брозович (53).