"Manchester Yunayted" yarim himoyachisi va sardori Brunu Fernandesh hujumchi Markus Reshfordning o‘yini haqida gapirdi.

Kecha, 1 fevral kuni "qizil iblislar" Angliya chempionatining 22-tur uchrashuvida "Vulverxempton"ni 4:3 hisobida mag‘lub etishdi. Uchrashuvning beshinchi daqiqasidayoq Reshford gol urdi.

"Markus qanday bo‘lgan bo‘lsa, shunday bo‘lib qoladi va u shunday qilishi mumkin va qilishi kerak. Nafaqat Markus, balki qolgan futbolchilarimiz ham eng yaxshi mavsumni o‘tkazmayapmiz. Lekin biz bilamizki, ba’zi o‘yinchilar ko‘proq nazorat ostida va, albatta, barchamizda buni yangilik bilan isbotlash uchun nimadir bor. Hamma o‘z o‘yinini yaxshilashi kerak.

Markus ajoyib gol urdi, biz uning qanday fazilatlari borligini, nimalarga qodirligini va jamoaga nima bera olishini bilamiz. Menimcha, u mendan ko‘ra "Manchester Yunayted" futbolchisi bo‘lish qanday ekanini biladi, chunki u butun umri davomida shu yerda bo‘lgan. Menimcha, u jamoadagi barcha o‘yinchilardan ko‘ra yaxshiroq ish qila oladi", - dedi Fernandesh BBC bilan suhbatda.

Joriy mavsumda Reshford 27 ta o‘yin o‘tkazib, 5 ta gol urdi va 6 ta golli uzatmani amalga oshirdi.

22-turdan keyin "Manchester Yunayted" 35 ochko bilan APL turnir jadvalida 7-o‘rinda bormoqda. "Liverpul" 51 ochko bilan chempionatda peshqadamlik qilmoqda.