"Манчестер Юнайтед" ярим ҳимоячиси ва сардори Бруну Фернандеш ҳужумчи Маркус Рэшфорднинг ўйини ҳақида гапирди.

Кеча, 1 февраль куни "қизил иблислар" Англия чемпионатининг 22-тур учрашувида "Вулверхэмптон"ни 4:3 ҳисобида мағлуб этишди. Учрашувнинг бешинчи дақиқасидаёқ Рэшфорд гол урди.

"Маркус қандай бўлган бўлса, шундай бўлиб қолади ва у шундай қилиши мумкин ва қилиши керак. Нафақат Маркус, балки қолган футболчиларимиз ҳам энг яхши мавсумни ўтказмаяпмиз. Лекин биз биламизки, баъзи ўйинчилар кўпроқ назорат остида ва, албатта, барчамизда буни янгилик билан исботлаш учун нимадир бор. Ҳамма ўз ўйинини яхшилаши керак.

Маркус ажойиб гол урди, биз унинг қандай фазилатлари борлигини, нималарга қодирлигини ва жамоага нима бера олишини биламиз. Менимча, у мендан кўра "Манчестер Юнайтед" футболчиси бўлиш қандай эканини билади, чунки у бутун умри давомида шу ерда бўлган. Менимча, у жамоадаги барча ўйинчилардан кўра яхшироқ иш қила олади", - деди Фернандеш BBC билан суҳбатда.

Жорий мавсумда Рэшфорд 27 та ўйин ўтказиб, 5 та гол урди ва 6 та голли узатмани амалга оширди.

22-турдан кейин "Манчестер Юнайтед" 35 очко билан АПЛ турнир жадвалида 7-ўринда бормоқда. "Ливерпуль" 51 очко билан чемпионатда пешқадамлик қилмоқда.