"Bavariya" hujumchisi Xarri Keyn "Oltin to‘p" va futboldagi boshqa individual mukofotlarga bo‘lgan munosabati haqida gapirdi.
"O‘tmishda ajoyib mavsumlarni o‘tkazdim, ammo "Oltin to‘p" va boshqa sovrinlarga ega bo‘lish uchun jamoa bilan hech narsa yutmaganman. Hammasi jamoa bilan nimaga erishmoqchi ekanligingizga bog‘liq. Siz esa futbolchi sifatida jamoaga o‘z maqsadlariga erishishda yordam berishingiz kerak. "Bavariya" uchun bu Bundesliga va Chempionlar ligasi. Angliya terma jamoasi uchun - Yevropa chempionati. Faqatgina ushbu turnirlarda g‘alaba qozonish orqali siz individual mukofotlarga ishonishingiz mumkin. Meni bilasizmi, men bunday gaplarning katta muxlisi emasman. Men shunchaki jamoamning oldinga siljishiga yordam berishga harakat qilaman. Endi bu "Bavariya", yozda Angliya jamoasi bo‘ladi", - dedi Keyn.
Joriy mavsumda 30 yoshli Keyn Bundesligada 19 ta o‘yin o‘tkazib, 23 ta gol urdi va 5 ta golli uzatmani amalga oshirdi.
