"Бавария" ҳужумчиси Харри Кейн "Олтин тўп" ва футболдаги бошқа индивидуал мукофотларга бўлган муносабати ҳақида гапирди.

"Ўтмишда ажойиб мавсумларни ўтказдим, аммо "Олтин тўп" ва бошқа совринларга эга бўлиш учун жамоа билан ҳеч нарса ютмаганман. Ҳаммаси жамоа билан нимага эришмоқчи эканлигингизга боғлиқ. Сиз эса футболчи сифатида жамоага ўз мақсадларига эришишда ёрдам беришингиз керак. "Бавария" учун бу Бундеслига ва Чемпионлар лигаси. Англия терма жамоаси учун - Европа чемпионати. Фақатгина ушбу турнирларда ғалаба қозониш орқали сиз индивидуал мукофотларга ишонишингиз мумкин. Мени биласизми, мен бундай гапларнинг катта мухлиси эмасман. Мен шунчаки жамоамнинг олдинга силжишига ёрдам беришга ҳаракат қиламан. Энди бу "Бавария", ёзда Англия жамоаси бўлади", - деди Кейн.

Жорий мавсумда 30 ёшли Кейн Бундеслигада 19 та ўйин ўтказиб, 23 та гол урди ва 5 та голли узатмани амалга оширди.