"Napoli" yarim himoyachisi Piotr Zelinski "Inter"ga o‘tishga rozi bo‘ldi.
Futbolchining "neradzurrilar" bilan og‘zaki kelishuvi bir necha kun oldin ma’lum bo‘lgan edi. Jurnalist Paskal Gorro xabariga ko‘ra, yarim himoyachi "Inter" bilan yana bir yilga uzaytirish imkoniyatini o‘z ichiga olgan uch yillik shartnoma imzolaydi.
29 yoshli polyakning yangi klubidagi maoshi yiliga taxminan 4,5 million yevroni tashkil qiladi. "Inter" yanvar oyi boshida futbolchining yozgi transferini rasmiylashtirmoqchi edi.
Eslatib o‘tamiz, Piotr Zelinskiga "Yuventus" ham qiziqayotgan edi.
Ma’lum bo‘lishicha, futbolchi "Napoli" bilan muddati tugaydigan shartnomasini uzaytirishdan bosh tortgan.
