"Наполи" ярим ҳимоячиси Пиотр Зелиньски "Интер"га ўтишга рози бўлди.
Футболчининг "нерадзуррилар" билан оғзаки келишуви бир неча кун олдин маълум бўлган эди. Журналист Паскал Горро хабарига кўра, ярим ҳимоячи "Интер" билан яна бир йилга узайтириш имкониятини ўз ичига олган уч йиллик шартнома имзолайди.
29 ёшли польякнинг янги клубидаги маоши йилига тахминан 4,5 миллион еврони ташкил қилади. "Интер" январь ойи бошида футболчининг ёзги трансферини расмийлаштирмоқчи эди.
Эслатиб ўтамиз, Пиотр Зелиньскига "Ювентус" ҳам қизиқаётган эди.
Маълум бўлишича, футболчи "Наполи" билан муддати тугайдиган шартномасини узайтиришдан бош тортган.
