Turinning "Yuventus" klubi bosh murabbiyi Massimiliano Allegri Italiya chempionati doirasidagi ertangi "Inter"ga qarshi o‘yindan umidlari bilan o‘rtoqlashdi.
Eslatib o‘tamiz, turning markaziy uchrashuvi arafasida "keksa sinyora" turnir jadvalida "neradzurri"dan bir ochko ortda qolmoqda. Ayni paytda "Inter"ning bitta zaxira o‘yini bor.
"Inter" Skudetto uchun yaqqol favorit va biz bu jamoani juda hurmat qilamiz. Tashqi suhbatlar bizga taalluqli emas, biz diqqatimizni nima qilayotganimizga qaratishimiz kerak. Futbolda noaniqlik ko‘p, biz hushyor turishimiz kerak", - dedi Allegri matbuot anjumanida.
