Londonning "Tottenxem" klubi markaziy himoyachisi Kristian Romero jamoaning sobiq bosh murabbiyi Antonio Konte bilan janjallashib qolganiga sha’ma qildi.
Eslatib o‘tamiz, italiyalik mutaxassis o‘tgan mavsumda "shporlar"ni boshqargan, ammo keyin matbuot anjumanida jamoa rahbariyati va futbolchilarini tanqid qilgani uchun ishdan bo‘shatilgan edi.
"O‘tgan mavsum men shaxsiy yoki jamoaviy darajada baxtli emasdim. Ishlar yaxshi emas edi. Murabbiyimiz kim bo‘lganini hammamiz bilamiz. Ammo endi bizda yangi murabbiy bor, biz uning boshchiligida jamoani qayta tikladik", - dedi Romero The Spurs Express bilan suhbatda.