Kuni kecha, 2-fevral kuni Respublika futbol bo‘yicha sport mahoratini oshirish oliy maktabida Superliga hakamlari uchun qishki o‘quv-mashg‘ulot yig‘inlari yakunlangan edi. Bugun, 3-fevral kuni barcha hakamlar nazoratchilari uchun yig‘inlarga start berildi.
Kunning birinchi qismida nazoratchilar videotestlar ham nazariy imtihonlar orqali sinovdan o‘tkazildi. Shundan so‘ng, kunning ikkinchi yarmida hujjat ishlari bo‘yicha o‘zgarishlar tushuntirib o‘tildi.
Ma’lumot o‘rnida, ushbu 2-guruh yig‘inida O‘zbekiston chempionatlarida ishlovchi 42 nafar nazoratchilat ishtirok etmoqda. Ushbu yig‘in ertaga yakunlanishi rejalashtirilgan. Navbatdagi guruh (VAR hakamlari uchun) yig‘ini indinga, 5-fevral kuni start oladi.
Qishki o‘quv-yig‘inlari haqida qo‘shimcha ma’lumot berib boriladi.
