"Milan" bosh murabbiyi Stefano Pioli raqiblari o‘rtasidagi bo‘lajak o‘yin haqidagi savolga javob berdi.
Yakshanba kuni "Inter" va "Yuventus" to‘qnash keladi. “Bu ikki jamoa A Seriyada haqli ravishda ustunlik qiladi.
Ular o‘yin uslubida bir-biriga o‘xshash, shuning uchun bu juda teng o‘yin bo‘lishi mumkin. Men uchrashuvning durang bilan yakunlanishi tarafdoriman”, dedi Pioli.
“Inter” 21 turdan keyin 54 ochko jamg‘argan holda A Seriya turnir jadvalida peshqadamlik qilmoqda. Bir o‘yin ko‘proq o‘tkazgan “Yuventus” bir ochko ortda qolmoqda, “Milan” 23 turdan keyin 49 ochko bilan uchinchi o‘rinda.
