Saudiya Arabistoni "An-Nasr" klubi va Portugaliya terma jamoasining hujumchisi Krishtianu Ronaldu bugun, 5 fevral kuni 39 yoshga to‘ldi.
Ko‘plab mashhur internet nashrlari ijtimoiy tarmoqdagi sahifalarida afsonaviy futbolchini ushbu voqea bilan tabrikladi.
Eslatib o‘tamiz, Krishtianu Ronaldu o‘zining professional faoliyatini Portugaliyaning “Sporting” klubida boshlagan, u yerda “Manchester Yunayted” bilan o‘rtoqlik o‘yini chog‘ida “Manchester Yunayted”ning o‘sha paytdagi bosh murabbiyi Aleks Fergyusonning nazariga tushgandi. Biroz vaqt o‘tgach, Ronaldu bir necha yil o‘ynagan "Manchester Yunayted" bilan shartnoma imzoladi. Keyinchalik Krishtianu "Real Madrid" ro‘yxatiga qo‘shildi. Eng muhim va yorqin yutuqlar uning ispan klubidagi faoliyati bilan bog‘liq. Keyin Ronaldu "Yuventus"da o‘ynadi va "Manchester Yunayted"ga qaytdi, u yerdan bosh murabbiy Erik ten Xag bilan mojaro tufayli Saudiyaning "An-Nasr" klubi bilan shartnoma imzolab, shu kungacha o‘ynamoqda.
