Саудия Арабистони "Ан-Наср" клуби ва Португалия терма жамоасининг ҳужумчиси Криштиану Роналду бугун, 5 февраль куни 39 ёшга тўлди.
Кўплаб машҳур интернет нашрлари ижтимоий тармоқдаги саҳифаларида афсонавий футболчини ушбу воқеа билан табриклади.
Эслатиб ўтамиз, Криштиану Роналду ўзининг профессионал фаолиятини Португалиянинг “Спортинг” клубида бошлаган, у ерда “Манчестер Юнайтед” билан ўртоқлик ўйини чоғида “Манчестер Юнайтед”нинг ўша пайтдаги бош мураббийи Алекс Фергюсоннинг назарига тушганди. Бироз вақт ўтгач, Роналду бир неча йил ўйнаган "Манчестер Юнайтед" билан шартнома имзолади. Кейинчалик Криштиану "Реал Мадрид" рўйхатига қўшилди. Энг муҳим ва ёрқин ютуқлар унинг испан клубидаги фаолияти билан боғлиқ. Кейин Роналду "Ювентус"да ўйнади ва "Манчестер Юнайтед"га қайтди, у ердан бош мураббий Эрик тен Хаг билан можаро туфайли Саудиянинг "Ан-Наср" клуби билан шартнома имзолаб, шу кунгача ўйнамоқда.
