Kecha, 4 fevral kuni “Inter” Italiya chempionatining 23-turi doirasida “Yuventus”ni mag‘lub etdi. “San-Siro” stadionida kechgan uchrashuv 1:0 hisobida yakunlandi.
Shu tariqa, Allegri shogirdlari 2023 yil sentyabridan buyon ilk bor mag‘lub bo‘ldi va A seriyadagi mag‘lubiyatsiz 17 o‘yinlik seriyasini yakunladi (13 g‘alaba va 4 durang). “Yuventus” bundan avval so‘nggi bor 5-turda “Sassuolo”dan mag‘lub bo‘lgandi (2:4).
“Inter” o‘z navbatida mag‘lubiyatsiz seriyasini 16 ta o‘yinga yetkazdi (13 g‘alaba va 3 durang). Indzagi shogirdlari ham oxirgi marta - sentyabrda (1:2) "Sassuolo"ga mag‘lub bo‘lgandi.
23-turdan keyin “Yuventus” 53 ochko bilan A Seriyada ikkinchi o‘rinda bormoqda. “Inter” chempionatda peshqadamlik qilmoqda (57 ochko).
