Кеча, 4 февраль куни “Интер” Италия чемпионатининг 23-тури доирасида “Ювентус”ни мағлуб этди. “Сан-Сиро” стадионида кечган учрашув 1:0 ҳисобида якунланди.
Шу тариқа, Аллегри шогирдлари 2023 йил сентябридан буён илк бор мағлуб бўлди ва А сериядаги мағлубиятсиз 17 ўйинлик сериясини якунлади (13 ғалаба ва 4 дуранг). “Ювентус” бундан аввал сўнгги бор 5-турда “Сассуоло”дан мағлуб бўлганди (2:4).
“Интер” ўз навбатида мағлубиятсиз сериясини 16 та ўйинга етказди (13 ғалаба ва 3 дуранг). Индзаги шогирдлари ҳам охирги марта - сентябрда (1:2) "Сассуоло"га мағлуб бўлганди.
23-турдан кейин “Ювентус” 53 очко билан А Серияда иккинчи ўринда бормоқда. “Интер” чемпионатда пешқадамлик қилмоқда (57 очко).
