"Chelsi" "Bayer" ustozi Xabi Alonsoni bosh murabbiy etib tayinlash imkoniyatini ko‘rib chiqmoqda.

Ijtimoiy tarmoqlardagi Sports Zone xabariga ko‘ra, "Chelsi" ispaniyalikni taklif qilishdan manfaatdor, chunki London klubi xo‘jayinlari va rahbariyatiga Alonsoning Germaniya Bundesligasidagi faoliyati yoqadi.

Eslatib o‘tamiz, Alonso yanvar oyida joriy mavsum yakunida "Liverpul"ni tark etishini e’lon qilgan Yurgen Kloppning o‘rniga asosiy nomzodlardan biri deb atalmoqda.

Ayni damda “Bayer” Bundesliga turnir jadvalida peshqadamlik qilmoqda. Alonso shogirdlari 20ta o‘yindan so‘ng 52 ochko to‘plashdi – 16ta g‘alaba va to‘rtta durang.