"Chelsi" bosh murabbiyi Maurisio Pochettino yanvar oyida o‘z jamoasiga ikki nafar yangi o‘yinchi olib kelmoqchi edi. Jurnalist Mett Xyuz bergan ma’lumotlarga ko‘ra, argentinalik mutaxassis chap qanot himoyachisi va hujumchi sotib olishni talab qilgan, ammo rahbariyat buni rad etgan.
Eslatib o‘tamiz, "Chelsi" anchadan beri yangi hujumchi qidirmoqda. Kristofer Nkunku jarohati tufayli mavsumning ko‘p qismini o‘tkazib yubordi, Nikolas Jekson o‘zini ko‘rsata olmayapti va Armando Broya yaqinda ijara asosida klubni tark etdi.
"Chelsi" himoyaning chap qanotida ham muammolarga duch kelmoqda: Ben Chilvell tez-tez jarohat oladi, shu sababli markaziy himoyachi Levi Kolvill vaqti-vaqti bilan bu pozisiyada o‘ynaydi.
