Meyson Grinvud faoliyatini "Atletiko Madrid"da davom ettirishi mumkin.
Madrid klubi hujumchini yozgi transfer oynasida sotib olmoqchi. The Telegraph xabariga ko‘ra, "matraschilar" qisqa ro‘yxatiga "Xetafe"da "Manchester Yunayted"dan ijara asosida o‘ynayotgan Meyson Grinvud kiritilgan.
La Liganing joriy mavsumida angliyalik futbolchi 19 ta o‘yinda maydonga tushib, 5 ta gol urdi va 4 ta golli uzatmani amalga oshirdi. Uning "Yunayted" bilan shartnomasi 2025 yilgacha mo‘ljallangan.