"Leypsig" va Sloveniya terma jamoasi hujumchisi Benjamin Sheshko "Chelsi"ga o‘tishi mumkin. Bu haqda jurnalist Ekrem Konur ma’lum qildi.
Manbaga ko‘ra, londonliklar bosslari 20 yoshli hujumkor futbolchini o‘z safiga qo‘shib olish uchun yozgi transfer oynasida 50 million yevrodan xayrlashishga tayyor. Qayd etilishicha, sloveniyalik yosh futbolchining xizmatlariga "Bavariya", "Arsenal" va "Manchester Yunayted" ham qiziqish bildirmoqda.
Sheshko o‘tgan yozda "Zalsburg"dan 24 million yevro evaziga "Leypsig"ga ko‘chib o‘tgandi. Bu mavsumda forvard "Buqalar" safida barcha turnirlarda 26ta o‘yin o‘tkazib, 9ta gol urdi.