"Лейпциг" ва Словения терма жамоаси ҳужумчиси Бенжамин Шешко "Челси"га ўтиши мумкин. Бу ҳақда журналист Экрем Конур маълум қилди.
Манбага кўра, лондонликлар босслари 20 ёшли ҳужумкор футболчини ўз сафига қўшиб олиш учун ёзги трансфер ойнасида 50 миллион евродан хайрлашишга тайёр. Қайд этилишича, словениялик ёш футболчининг хизматларига "Бавария", "Арсенал" ва "Манчестер Юнайтед" ҳам қизиқиш билдирмоқда.
Шешко ўтган ёзда "Зальцбург"дан 24 миллион евро эвазига "Лейпциг"га кўчиб ўтганди. Бу мавсумда форвард "Буқалар" сафида барча турнирларда 26та ўйин ўтказиб, 9та гол урди.