"Real"ning sobiq yarim himoyachisi, hozirda "San-Paulu"da to‘p tepayotgan Xames Rodriges Braziliya jamoasini tark etmoqchi. Bu haqda jurnalist Ekrem Konur ma’lum qildi.
Manbaga ko‘ra, 32 yoshli futbolchining vakillari allaqachon "San-Paulu" bilan mehnat shartnomasini bekor qilish jarayonini boshlab yuborishgan. Kolumbiyalik imkon qadar tezroq turk gigantlaridan biriga o‘tmoqchi.
Rodriges o‘tgan yozdan beri "San-Paulu"da o‘ynamoqda. Joriy mavsumda yarim himoyachi barcha turnirlarda 14 ta o‘yin o‘tkazib, bitta gol va 3 ta golli uzatmaga mualliflik qilgan.