"Реал"нинг собиқ ярим ҳимоячиси, ҳозирда "Сан-Паулу"да тўп тепаётган Хамес Родригес Бразилия жамоасини тарк этмоқчи. Бу ҳақда журналист Экрем Конур маълум қилди.
Манбага кўра, 32 ёшли футболчининг вакиллари аллақачон "Сан-Паулу" билан меҳнат шартномасини бекор қилиш жараёнини бошлаб юборишган. Колумбиялик имкон қадар тезроқ турк гигантларидан бирига ўтмоқчи.
Родригес ўтган ёздан бери "Сан-Паулу"да ўйнамоқда. Жорий мавсумда ярим ҳимоячи барча турнирларда 14 та ўйин ўтказиб, битта гол ва 3 та голли узатмага муаллифлик қилган.