"Bavariya" himoyachisi Dayot Upamekano va jamoa yarim himoyachisi Yozua Kimmix "Bayer" bilan bo‘ladigan o‘yinda jamoaga yordam bera oladi. Bu haqda myunxenliklar bosh murabbiyi Tomas Tuxel jurnalistlarga ma’lum qildi.
"Kimmix har doim tayyor. U o‘z ishiga yondashuvida g‘ayrioddiy. Upamekano unga o‘xshaydi. Ularning ikkalasi ham to‘liq reabilitasiya jarayonidan o‘tishdi. Agar g‘ayrioddiy hech narsa sodir bo‘lmasa, ular tayyor bo‘lishadi" - dedi Tuxel.
Ertaga, 10 fevral kuni Germaniya chempionatining 21-turidan o‘rin olgan "Bayer" – "Bavariya" uchrashuvi bo‘lib o‘tadi. Uchrashuvning boshlanishi Toshkent vaqti bilan 22:30 ga belgilangan.
Eslatib o‘tamiz, hozirda turnir jadvalida peshqadamlik qilayotgan “Bavariya” va “Bayer” o‘rtasidagi farq ikki ochkoni tashkil etadi.
