"Бавария" ҳимоячиси Дайот Упамекано ва жамоа ярим ҳимоячиси Йозуа Киммих "Байер" билан бўладиган ўйинда жамоага ёрдам бера олади. Бу ҳақда мюнхенликлар бош мураббийи Томас Тухель журналистларга маълум қилди.
"Киммих ҳар доим тайёр. У ўз ишига ёндашувида ғайриоддий. Упамекано унга ўхшайди. Уларнинг иккаласи ҳам тўлиқ реабилитация жараёнидан ўтишди. Агар ғайриоддий ҳеч нарса содир бўлмаса, улар тайёр бўлишади" - деди Тухель.
Эртага, 10 февраль куни Германия чемпионатининг 21-туридан ўрин олган "Байер" – "Бавария" учрашуви бўлиб ўтади. Учрашувнинг бошланиши Тошкент вақти билан 22:30 га белгиланган.
Эслатиб ўтамиз, ҳозирда турнир жадвалида пешқадамлик қилаётган “Бавария” ва “Байер” ўртасидаги фарқ икки очкони ташкил этади.
