«Barselona» klubi soliq to‘lash qonunchiligi buzgani uchun yirik miqdorda jarimaga tortilishi mumkin.

Ispaniya sudi "ko‘k-anorranglilar"ga 23 million yevro soliq to‘lash majburiyatini yukladi. Ushbu soliq miqdori jamoa tomonidan 2012-2015 yillarda o‘yinchilarning agentlariga to‘langan to‘lovlar oqibatida kelib chiqqan.

«Barsa» esa o‘sha paytda agentlarga mo‘ljallangan pulni futbolchilarning o‘ziga to‘lagan. O‘yinchilar keyinchalik pulni o‘z agentlariga o‘tkazib bergan. Ya’ni soliqdan qochish uchun shunday sxemadan foydalanilgan.

«Barselona» esa sud qaroridan norozi bo‘ldi va Oliy sudga apellyasiya berishini ma’lum qildi.