Xanchjou shahri sport qo‘mitasi Argentina va Nigeriya terma jamoalari o‘rtasidagi Xitoyda o‘tkazilishi kerak bo‘lgan o‘rtoqlik o‘yini bekor qilindi.

«Barchaga ma’lum bo‘lgan voqea sababli vakolatli organlar shunday qarorga keldiki, Argentina terma jamoasi ishtirokidagi o‘yinni o‘tkazishning imkoni yo‘q. Shu bois, mazkur o‘yinni bekor qilish haqida qaror qabul qilindi», — deyiladi tarqatilga bayonotda.

Tashkilotchi "barchaga ma’lum voqea" deganda «Inter Mayami» hujumchisi Lionel Messi bilan Gonkongdagi hodisani nazarda tutmoqda. Argentinalik futbolchi jarohat tufayli Gonkongda maydonga tushmasdan, ertasiga Yaponiyadagi o‘yinda ishtirok etgani muxlislarning noroziligiga sabab bo‘ldi.

Argentina va Nigeriya terma jamoalari o‘rtasidagi o‘yin mart oyi so‘ngida Xitoyda o‘tkazilishi rejalashtirilgandi. Shuningdek, "albeleste" Kot-d'Ivuarga qarshi o‘yinda ham ishtirok etishi kerak. Bu o‘yin taqdiriga hali oydinlik kiritilmadi.