"Bayer" bosh murabbiyi Xabi Alonso bugun, 10 fevral kuni bo‘lib o‘tadigan "Bavariya"ga qarshi o‘yin oldidan xavotirda emasligini aytdi.
Ayni damda "Bayer" Bundesligada birinchi o‘rin uchun kurashda raqibidan ikki ochko oldinda.
“Bu men uchun top o‘yinda ishtirok etishim uchun ajoyib imkoniyat. Albatta bosim bor, lekin "Bavariya" bilan o‘yin mavsumning oxirgisi emas, oldinda hali ko‘p o‘yinlar bor. Biz bosimni to‘xtatib turishni, o‘yindan zavqlanishni, kurashishni va raqobatbardosh bo‘lishni xohlaymiz. OAVda sodir bo‘layotgan voqealar mening muammom emas", - dedi Alonso matbuot anjumanida.
"Bayer" - "Bavariya" uchrashuvi bugun, 10 fevral kuni "Bay Arena"da bo‘lib o‘tadi.
