"Байер" бош мураббийи Хаби Алонсо бугун, 10 февраль куни бўлиб ўтадиган "Бавария"га қарши ўйин олдидан хавотирда эмаслигини айтди.
Айни дамда "Байер" Бундеслигада биринчи ўрин учун курашда рақибидан икки очко олдинда.
“Бу мен учун топ ўйинда иштирок этишим учун ажойиб имконият. Албатта босим бор, лекин "Бавария" билан ўйин мавсумнинг охиргиси эмас, олдинда ҳали кўп ўйинлар бор. Биз босимни тўхтатиб туришни, ўйиндан завқланишни, курашишни ва рақобатбардош бўлишни хоҳлаймиз. ОАВда содир бўлаётган воқеалар менинг муаммом эмас", - деди Алонсо матбуот анжуманида.
"Байер" - "Бавария" учрашуви бугун, 10 февраль куни "Бай Арена"да бўлиб ўтади.
