"Manchester Yunayted" himoyachisi Diogu Dalot jamoasining so‘nggi o‘yinlardagi harakatlari haqida fikr bildirdi. Klub ketma-ket uchta o‘yinda g‘alaba qozonib, 11 ta gol urishga erishdi.
“O‘tmishda qilgan mashaqqatli mehnatimizning samarasini nihoyat ko‘ryapmiz. Menimcha, hozir hammasi ishlay boshladi. Mavsumning ikkinchi yarmida biz boshidan ko‘ra yaxshiroq harakat qilyapmiz. Biz mavsumni yaxshi tarzda boshlamaganimizni bilamiz, lekin jamoa oldinga qarab va keyingi bir necha oy ichida vaziyatni yaxshilashga harakat qilmoqda. Individual darajada men jamoa uchun hamma narsani berishga harakat qilaman", - deya Dalot so‘zlarini keltiradi Center Devils.
APLning 23-turidan keyin “Manchester Yunayted” 38 ochko bilan turnir jadvalida 6-o‘rinda bormoqda.
