"Manchester Siti" yarim himoyachisi Rodri Ernandes o‘zining o‘yin uslubi haqida qanday fikrda ekanligini aytdi. U o‘yinni tushunish uchun o‘yinlarni tomosha qilishini tan oldi.
"Men o‘yin davomida to‘pga emas, atrofimda sodir bo‘layotgan voqealarga e’tibor beraman. Yarim himoyachi uchun bu muvaffaqiyat kalitidir. Maydonda yetakchi bo‘lish qanchalik muhimligini tushunaman. Agar siz yarim himoyada o‘ynasangiz, hamma joyda bo‘lishingiz kerak. Men doim shunday o‘ynashni xohlaganman", - deya futbolchining so‘zlarini keltiradi Mirror.
Joriy mavsumda 27 yoshli ispaniyalik barcha turnirlar doirasida 27ta o‘yinda maydonga tushib, 6ta gol urdi va 7ta golli uzatmani amalga oshirdi.
