"Манчестер Сити" ярим ҳимоячиси Родри Эрнандес ўзининг ўйин услуби ҳақида қандай фикрда эканлигини айтди. У ўйинни тушуниш учун ўйинларни томоша қилишини тан олди.
"Мен ўйин давомида тўпга эмас, атрофимда содир бўлаётган воқеаларга эътибор бераман. Ярим ҳимоячи учун бу муваффақият калитидир. Майдонда етакчи бўлиш қанчалик муҳимлигини тушунаман. Агар сиз ярим ҳимояда ўйнасангиз, ҳамма жойда бўлишингиз керак. Мен доим шундай ўйнашни хоҳлаганман", - дея футболчининг сўзларини келтиради Mirror.
Жорий мавсумда 27 ёшли испаниялик барча турнирлар доирасида 27та ўйинда майдонга тушиб, 6та гол урди ва 7та голли узатмани амалга оширди.