Juma kuni "Salernitana" yana muxlislarini xafa qildi. Filippo Indzagi shogirdlari o‘z maydonida “Empoli”dan 1:3 hisobida mag‘lub bo‘ldi. La Gazette Dello Sport xabariga ko‘ra, bu natija murabbiy uchun halokatli bo‘lgan - "Salernitana" Indzagini ishdan bo‘shatishga qaror qilgan. Tez orada bu haqda rasmiy e’lon beriladi.
Ayni paytda "Salernitana" Italiya chempionati turnir jadvalida oxirgi, 20-o‘rinda bormoqda. Jamoa chempionatda jon saqlab qolish zonasidan olti ochko ortda qolmoqda.
"Salernitana" A Seriyaning navbatdagi o‘yinini 16 fevral, juma kuni safarda "Inter"ga qarshi o‘tkazadi.
